Category Archives: திட்டங்கள்

இயற்கை வேளாண்மை

நன்செய் அறக்குழுவின் மூலம் ஊராட்சியைச் சேர்ந்த நிலங்களை இரசாயன வேளாண்மை முறையிலிருந்து மீட்டெடுத்து இயற்கை விவசாயத்திற்கு மாற்றச் செய்ய துண்டறிக்கைகள் அளித்தல், இயற்கை விவசாயம் செய்பவர்களை ஊருக்கு வரவழைத்து நம் மக்களிடம் விழிப்புணர்வு பிரச்சாரம் செய்தல் ஆகியவற்றின் மூலம் விவசாயிகளை இயற்கை விவசாயத்தின் மீது ஆர்வம் கொள்ளச் செய்தல்.  

Read More

நன்செய் அறிவுசார் போட்டிகள்

நன்செய் அறக்குழுவின் பெயரில் நமது ஊராட்சியில் உள்ள அனைத்துப் பள்ளிகளிலும் உள்ள மாணவ மாணவியரும் பங்கு பெறும் விதமாக ஆண்டுதோறும் அறிவு சார்ந்த போட்டிகள் (வாசித்தல் போட்டி, திருக்குறள் போட்டி, வினா-விடைப் போட்டி, பேச்சுப் போட்டி, கட்டுரைப் போட்டி, பட்டிமன்ற வாதங்கள்) நடத்தப்பட்டு பரிசுகள் வழங்குதல்.        

Read More

நன்செய் உதவி கரங்கள்

நன்செய் அறக்குழுவின் பெயரில் பொருளாதாரத்தில் மிகவும் பின் தங்கிய நிலையில் உள்ளோருக்கும், வாழ்வில் முன்னேற துடிப்போருக்கும் கைகொடுத்து உதவி செய்தல்.

Read More

அழகிய கிராமம் அழகாபுரம்

நன்செய் அறக்குழுவின் பெயரில் அழகாபுரம் ஊராட்சி முழுவதும் மரக்கன்றுகள் நட்டு பாதுகாத்தல். பள்ளிச் சிறுவர்களுக்கு மரங்களை வளர்த்து ஆளாக்கும் பொறுப்பை ஒப்படைப்பதன் மூலம் சமூகத்தின் மீது அக்கறைக் கொள்ளச் செய்தல்.    

Read More

நன்செய் ஊழியர்

நன்செய் அறக்குழுவிற்குச் சொந்தமான இரண்டு அடுக்குக் கட்டடத்தில் நூலகம், பயிற்சி வகுப்பறைகள், முதலுதவி மையம், அவசர ஊர்தி சேவையோடு மக்கள் சேவை மையமும் அமைக்கும் திட்டம் உள்ளதால் நூலக நிர்வாகம், கணினி இயக்குதல், வாகனம் ஓட்டுதல், முதலுதவி சிகிச்சை அளித்தல் ஆகிய அனைத்தையும் நிர்வகிக்கும் திறன் மிக்க, மக்கள் சேவையில் மிகுந்த ஆர்வம் மிக்க ஒருவரை மாதச் சம்பளத்தில் பணியமர்த்துதல்.

Read More

நன்செய் அவசர ஊர்தி

நன்செய் அறக்குழுவிற்குச் சொந்தமான கட்டடத்தில் அவசரக் காலங்களில் மக்களுக்கு உதவும் வண்ணம், ஊரில் எந்நேரமும் தயார்நிலையில் இருக்கும்மாறு, ஒரு அவசர ஊர்தியை வைத்திருத்தல், ஊரில் ஓட்டுனர்களுக்குப் பஞ்சம் இல்லை என்பதால், நிரந்தர ஓட்டுனர் தேவையில்லை. மக்களுக்கு உதவும் எண்ணம் கொண்ட ஓட்டுனர்களின் தொடர்பு எண்களை வைத்திருப்பதன் மூலம் அந்த நேரம் யார் ஊரில் உள்ளாரோ அவரைக் கொண்டு அவசர ஊர்தியை இயக்க வைக்கலாம்.

Read More

நன்செய் சேவை

நன்செய் அறக்குழுவிற்குச் சொந்தமான கட்டடத்தில், படிக்காத எளிய மக்களுக்கு உதவும் வண்ணம், மின்கட்டணம் செலுத்துதல், பட்டா சிட்டா நகல் எடுத்து தருதல், வில்லங்கச் சான்று எடுத்து தருதல், அனைத்துவிதமான சான்றுகளின் நகலெடுத்தல் போன்ற சேவைகளை மக்களுக்கு செய்து தருதல். அதற்காக அவர்களிடம் பெறும் கட்டணங்களை குழுவின் வருவாயில் சேர்த்தல்.

Read More

நன்செய் ஆலோசனை

நன்செய் அறக்குழுவிற்குச் சொந்தமான கட்டடத்தில், மாதம் ஒருமுறை இலவசச் சட்ட ஆலோசனை முகாமை நடத்தித் தன்னார்வ வழக்குரைஞர்களை வரவழைத்து இலவசச் சட்ட ஆலோசனை கிடைக்க ஏற்பாடு செய்யலாம்.

Read More

நன்செய் பட்டறை

நன்செய் அறக்குழுவிற்குச் சொந்தமானக் கட்டடத்தில், இரு அறைகளைப் பயிற்சி வகுப்புகளுக்காக ஒதுக்கி, வெளிநாடுகள் மற்றும் வெளியூர்களில் வேலை செய்து வரும் திறனாளர்கள், தொழில்நுட்ப வல்லுனர்கள், மருத்துவர்கள், பொறியாளர்கள் மற்றும் ஆசிரியர்களின் உதவியைப் பெற்று நமது ஊராட்சியைச் சேர்ந்த சிறுவர்களுக்கு வார இறுதி நாட்களில் பயிற்சி வகுப்புகள் எடுக்க ஏற்பாடு செய்தல்; அதன் மூலம் ஆங்கிலம், வரலாறு, இலக்கியம், மருத்துவம் போன்றவற்றில் புலமைப் பெற்றவர்கள், பாடநூல்களையும் தாண்டி மாணவர்களுக்குச் சொல்லிக் கொடுத்து அவர்களின் அறிவை பெருக்கப் பேருதவியாக இருக்கலாம்.

Read More

நன்செய் முதலுதவி

நன்செய் அறக்குழுவிற்கு சொந்தமான கட்டடத்தில், அவசரக் காலத்தில் முதலுதவி செய்ய, ஒரு முதலுதவி அறையை ஒதுக்கி, முதலுதவி செய்யும் சாதனங்களையும், மருந்துகளையும் இருப்பு வைத்திருத்தல்; அவசரக் காலங்களில் கட்டுப்போடுதல், பேன்டேஜ் ஒட்டுவது, இரத்தப்போக்கு உள்ள இடத்தில் நேரடி அழுத்தம் கொடுப்பது, இதய இயக்க மீட்பு (CPR-cardiopulmonary resuscitation) போன்ற முதலுதவிகளைச் செய்ய ஊரிலேயே வசிக்கும் மருத்துவ தாதிப் படிப்பை முடித்த ஒருவரை முதலுதவி செய்யும் பணிக்குத் தன்னார்வலராக நியமித்தல்.

Read More